Grant of his Arms by John de Wellesburgh to Thomas Purefoy (27 December 1397)

A toutes ceux a queus ceste lettres verront au ourront, Jehan de Whellesburgh faluz en Dieu. Saches que come Thomas Purefey eit le reversion des manors de Whellesburgh & Fenny Drayton en le counte de Leicester ove les appurtenances, moi le dit Jehan aver done & grant per y ceste a dit Thomas Purefey & ses heires en mesme manor mes armesove les appurtenances cy entirement come moy ou mes auncestours aronus use et port, A aver & tener les armes ove les appurtenances subditz a dit Thomas Purefey ses heireset assignes come de suis est dit a toutes jours, sans empechement de moye, mes heires, au ascun auter pur nous, & ieo oblige moi & mes heyres a garranter les ditz armes ovesles appurtenances a dit Thomas Purfey ses heires & assignes a tout jours. En teste moignaunce de queulx choses a ses lettres ieo a ye mise mon seale d’armes subditz. CesteTestmoignes Monsieur Jehan de Clinton, Monsieur William de Esteley Chivaliers, Ankatine de Houby, Johan Wicharden aulees. Done a Fenne Drayton subditz en le feast de St Jake le Apostle en le reigne le Roy Richard le second puis le conquest le vintisme premier.

Harl. MS. 5812, fo. 2b; Add. MS. 6297, fo. 437.

[Source: Private English Concessions of Arms of the Fourteenth and Fifteenth Centuries]  

Grant of his Arms by Thomas Grendale (in reversion on the death of Johan Beaumeys) to Sir William Moigne (22 November 1391)

A tous ceux j’ceste presente lettre verront ou orrant, Thomas Grendale de Fenton, cosyn & heir a Johan Beaumeys iadys de Sautre Salutz en dieu. Come les Armesd'ancestrye du dit Johan apres le iour de son moriant soient par loy & droit d'eritage a moy eschaietz, com a son proschein heir du son linage, Sachetz moy l'avant dit Thomasavoir donee & grantee par y cestes les entiers avant dites Armes one leur appurtenantz a William Moigne Chivaller, quelles Armes Cest assavior sont d'argent one une croisd'asure ove cinq garbes d'or en le crois, A avoir et tenir touz les avandites Armes one leur appurtenantz au dit Monsieur William a ces heires & assignes a tous iours. Entesmoignance de quelle chose a cestez presetes lettres j'ay mis mon saelx. Donn. a Sautre le vint seconde iour de Novembre l'an du regne le Roy Richard seconde, quinzisme.

in Remains Concerning Britain by W. Camden, 1674, p. 286

[Source: Private English Concessions of Arms of the Fourteenth and Fifteenth Centuries]  

Grant of his Arms by Robert de Morle (in reversion on the death of Baldwine de Manoires) to Robert de Corby (6 January 1348/9)

A touz ceux que ceste letters verront ou orront, Roberte de Morle, Mariscall D’Irlande saluz en dieu. Saches moi avoir donne & grante a mon bon amee Robert de Corby & a ces heires les Armes que me sont descenduz par voie de Heritage apres le deces Monsieur Baldwine de Manoires, cestaseavoir d’Argent ove une Saltier engraile de Sable,avoir & emporter entirement les Armes judits au dit Robert de Corby & ses heires a tous jours, sans impeachment ou challenge de moi ou de mes heires apres ses heures. Etmoy avant-dit Robert de Morley & mes heires au dit Robert de Corby & a ces heires les Armes avant-dites, en quand en nous est, envers touz homes a toutz jouresgarranterons. On tesmoignance de quell chose a cestes mes letters overtees iaimis mon seale, Donne au Chasteau de Risinge, le jour de la Tissanie, le sisme jour de Januarel’an du regne Edward tiers puis le Conq. D’Engleterre 22 & de france neosisme.

in Remains Concerning Britain by W. Camden, 1674, p. 286

[Source: Private English Concessions of Arms of the Fourteenth and Fifteenth Centuries]  

Robert Whitgreave, 1442

Humfrey, Count de Staff. & de Perche seigneur de Tunbrigg & de Caux, a tous ceux qui cestes presentes lettres verront ou orront salutes; Saches que nous considerans lez merites que deivent estres attribues a toutes personnes issues de bone lieu & excersantez bones meures & vertues eux conduisantes termis d�onneur & gentilese ycelle, a consideration a nous amove d�augmenter en honneur & noblesse noble home Robert Whitgreve, luy avoir donne & donons per icestes presentes, pour memory d�onneur perpetuell, au portre set armes ensigne de Noblesse un Escue, de azure, a quatre points d�or, quatre Cheverons de Gules; & luy de partire as autres persones nobles de fon linage en descent avecques les differences de Descent au dit blazon & en honneur le reparer a vous avecque celuy ordeine & attribute Helme & Timbre, cest assavoyr le Helme ove mantle de bloy, furre d�Ermines, au une Coronne un demy Antelope d�or: Et pour ceste nostre lettre patente de dit donne verisier, en tesmoigne la nous fait seeler du seele de nos properes Armes, le xiii. Jour d�August l�an du reigne le Roy Henry le sisme puis le conquest vintisme.

Remains Concerning Britain by William Camden (London: J.R. Smith, 1870)

[Source: Fifteenth Century Patents of Arms]  

Tallow Chandlers Company, 1456

A tous presens et advenir qui ces presentes lettres verront ou orront Iehan Smert autrement dit Gartier Roy Darmes du Royaume Dangleterre salut. & toute humble recommendacion. En toutes regions royaumes & pays aeste de tous temps et encores est depresent notoirement use & acoustume que principalment et en chief les Citez bonnes & notables communaultez et consequement les compaignies et fraternitez des marchans artificiers & mestiers et chacune diceulx separeement et aparsoy ont enseignes en signe de nobles armes et de blazon separees les unes des autres pour mettre en leur seel dont ilz ont acoustume de user en leurs communs affaires et semblablement en bannieres estandars & pennons quilz portent en mettent avant en leurs notables festes et assemblees tant en sainte eglise pour venerer et decorer les lieux ou est fait & celebre le divin service et en leurs manoirs & lieux communs ou ilz tiennent leurs communicaccons & consaulx comme en ostz et chevauchees darmes quant le cas le requiert. Ores est vray que Iohn Priour Iohn Thirlow William Blakman & Richard Grenecroft Gardiens jurez et plusieurs autres notables hommes du mestier & de la compaignie des Chandeliers de Suyf en la Cite de Londres sont venuz par devers moy le dit Gartier pour et au nom de toute leur confraternite Disans que leur dit mestier est lun des membres dicelle Cite aiant Gardiens jurez & autres officiers auctorisez de faire constituer et mettre entre eulx regles & bonnes ordonnances sur le fait dicellui mestier toute separeement des autres. Pour laquele chose besoing leur est davoir en et pour icellui mestier ainsi que ont les autres compaignies & mestiers de la dite Cite leur armes enseignes et blason distingueement apareulx et separez des autres dont jusques a present nont eu aucune provision. requerans icelle avoir par moy ledit Roy Darmes tres affectueusement et a grant instance. Pourquoy moy considerant leur desir estre honneste & honnourable par vertu de lauctorite et pouvoir annexez et attribuez a mon dit office de Roy Darmes. Ay devise ordonne et assigne a la dite compaignie et confraternite des Chandeliers de Suyf en la dite Cite de Londres pour eulx et leurs successeurs conjointement a tousjours les enseignes armes et blason en la maniere qui sensuit. Cest assavoir ung escu de siz pointz dasur et dargent a trois coulombs de mesmes membrez de gules portans chacun en son bec ung ramceau dolive dor. Et le tymbre sur le heaulme ung Angel assis sur une nuee entretenant la teste de Saint Iehan Baptist en une plateyne dor les elles & garnissure de mesmes emmantele de gules double dermines sicomme la picture en la marge cy devant le demo...estre. En Tesmoing de ce je Gartier Roy Darmes dessusnomme ay signe de ma main et seelle de mon seel ces presentes. Fait et donne le xxiiij jour de Septembre Lan de Grace mil. cccc. cinquante six. J Garter

Heralds Commemorative Exhibition: 1484-1934 (London: Tabard Press, 1970)

[Source: Fifteenth Century Patents of Arms]  

Drapers Company, 1439

A Toutz nobles qui cestes pntes verront ou ocrount humble recomendacon premise pour moy Guilliam Brugges autrement dit Jarretier Roy Darmes dez Englois le primier diceluy nonn et humble suiture Darmes a tout la gentiless. Il a pleu a nre souain sr le treshault trepuissant et tresexcellent prince le tresxpien Roy Henry le Sysine diceluy nom Roy Denglet & de ffraunce & sr dyreland de sa benigne grace et habundaunce p sez tres patentes ottroier grauntier et accordier a sez humbles et foiaulx lieges lez gentz du mestier dez Drapiers fraunchisez en sa tresnoble tresfamouse & renomee Citee de loundres fraunchise & libertee dauoir corporacion entre eux du dit mestier et en faire vne meister et quatre gardeins pour regiminer gounier et auoir survien sur la dit mestier et dan en an renouelier chaungier et eslier entre eux meister et gardeins pour tout dys entretenir le conduyt de lour dit corporacion les notables du mestier foundees en tresgraunde honeur et vtue onnt fondez entre eux de solempnisier lour dit corporacion vne foitz chun an Cestassavoire le lundi pschein ensuiant la feste de lassompcion de pluis benoit vierge Dame mere et emperisse de tout celestiel et terresteer nre tresglorious Dame sient Marie du quel nasquist le celestiel & Imperial soleile le pluis glorious Roy et sire de tout Justice nre benoit sr Jhu Crist et en lonneure dicelle pluis benoit vierge et de sa tresglorious feste suisdit lez ditz du mestier rasieses dune comune assentment entre eux de chun au dit iour estre ensemble a compaignies de freres & soers du dit fratnitee et en yceluy iour renouelier chaungier eslier et instituer nouelx meistre et gardeins auxi come le cas requerera pour lonneure et valitee du dit mestier lez notables du dit mestier contendans daugmentier tout dys ce que poet estre a lonneure de dit mestier onnt fait faire requeste a moy le suysdit jarretiere Roy Darmes dez Englois de lez vouillier aviser et deuiser enseingne en forme de blason solom le quel Ils pourroient faire priente en vne seal comon tant soullement au dit mestier seruier pour soubz ycel seal passer affermer verefier et signefier tout ceo que a lour dit mestier entre eux du mestier pient doit ou pourroit appteignier et auxi pour envser du dit blason en tout autre cas come honeur le requerra & pient & doit requerer. Je le suit dit Jarretier Roy Darmes veiant le guant honneure que nre dit souain sr le tresxpien Roy leur a fait p son noble ottroye et graunt suisdit et auxi pour complier a honurable home Johan Gedney le primer Meistre eslue au commencement de suisdit corporacion p bon meure delibacon et consentment entiere de sa dit compaignie encorporees au dit mestier des Drapiers et auxi pour complier tant as quatre Gardeins Johan Wotton Johan Derby Robert Bertyn et Thomas Cook que as autres notables de la dit fratnitee et compaignie. Je les ay deuisez enseigne en forme de blason pour demourer au dit notable mestier pour memoire ppetuell Cestassauoir en lonneur de tresgloriouse vierge et meer Marie le quel est en ovembre du soleyll et replendisant en tout claritee et nestete leur ay devisez en lour blason troys Royes de soleille issantz hors de troys nves de flambe coronnez de troys corons imperiale dore assisez sus vne escue dasure et come pient appoire p la demonstraunce du dit blason assise en peinture et en ces drois colores en le merge de ceste psent lre et pour veritablement blasonier le dit armorie Il covient duc Il porte dasure troys soleilles issantz de troys nves de geullez coronnes de troys Imperiale corons dore le quelle dit blason je le dit Jarretier Roy Darmes certifie nul auter pson queconque de lisle de la graund Bretaigne le portre ycelle dit blason le dit mestier de le processer pour ppetuell memoire et le mestier dez Drapiers delusier a lonneur du dit mestier en toutz cas licites conveniens & honourables et come de droit le dit mestier le requerrera Et pour apisaunce a toutz nobles que je le suisdit Roy Darmes ay devise le suisdit blason au dit notable mestier des Drapiers en loundres Jay sealle ceste psent lre de mon seal le disme iour de Mars en lan du grace mil quatre centz trent et neof et en lan dyoeptisme du Reigne nre souain sr le tresxpien Roy suisdit

The History of the Worshipful Company of the Drapers of London Volume 1 by Arthur Henry Johnson (Oxford: Clarendon Press, 1914)

[Source: Fifteenth Century Patents of Arms]  

Sir Louis Caerlion

A tous prsens et ad venire qui ces prsents Letters Veiront ou Orront iohn writhe autrement dit Gartier Roy darmes de Anglois salut auec Humble recomdacon equit Veult et ordonne q les homes vertueux et de noble Courage soient par lours merits, et bone renome morelle vie tant breifne et transitory, mais apres eulx ceulx qui de leurs corps issiront et seront pcreez sorent en toutz places de grant honneur perpetuelment auec autres reluy sans poor Certaines Ensignes et demonstrances de honneur, et de noblesse cest assavoix de blazon healme et timbre assingne a leur Exemple autres plus sefforcent de pseverament vser leurs jours en faitz de Armes et Ocumres vertuouses pour acquirir la renomee d ancienne noblesse en leur signe et posterite, et pourse ye Gartier Roy d armes des anglois dessusdit qui non pas seulement par Comune renome Mais auissi, par le Rapport, et tesmoignage de pleuseurs dignes de ffoy suis pour vray ad verty et informe que messire lovis Caerlion Chevalier, et docteur en Medecine a longuement pursuy les faitz de vertu, et de noblesse, et tant en ce que autres ses afaires sest porte verteusement, et honourablement governe tellement quil a bien deservy et est digne que doresnavant ppetuellment luy et sa posterite soient en toutes places honorables admis renomnes comptez nombrez et receeuz on nombre, et en la compagnee des autres gentils, et nobles homes, et pour la remembrance dicelle sa noblesse par virtue de lautorite, et power annexe et attribute a mondit office de Roy d armes ay devyse ordone et assigne au susdit messier Louis pour luy et la posterite auec leur difference deue le blazon heaulme et timbre en la mannoir qui sui sauit, Cestassavoir d argent et de vt party en pale ung cheife b. sur le dit cheife trois Estoilles de or et d Argt party a son timbre ung Orynall dedens son case en leurs p�pres coleurs assis sur une toree de or et de purpure mantele de vt double argent, si come la picture en la marge cy deuant le demonstr a voir et tenir pour luy et sad it posterite, et eulx a vser a Tousiour mais en tesmoing de ce le Jartier Roy d armes dessusdit ay signe de ma maine et seelle du seell de mes armes ces prsetes, fait et donne a Londres le jour de St Sampson lan de nre Sr m: cccc quarter vingtz et Treize (sic) et lan du Raigne de Henry le septiesme nre tres redouble et Soveraigne Seigneur le huitiesme.

Harleian Society Publications Volumes 76-77: A Collection of Miscellaneous Grants by Willoughby A. Littledale (London: J. Whitehead & Son, 1925)

[Source: Fifteenth Century Patents of Arms]  

Drachenwald Laurel Wording

FRENCH

[king] et [queen],  Roi et Reine de Drachenwald, a notre amie et feale[recipient]. Salut. En essaucement de la Societe & accroissement d'onneur, on a ordene de faire une Compaignie, qui est appellee l'Ordre du Laurier. Et les compaignons portent la devise d'une couronne de laurier d'or. Et tous les compaignons d'icellui seront tenus et jureront a leur entree que il donront le bon exemple de Courtoisie & de Chevalerie. Et prometeront avoir bonne et vray amour aux Souverains et deffendre et maintenir les lois du roialme et les statuts de la Societe. Et prometeront faire service aux Souverains a leur povoir. Et prometeront enrichir le roialme par les honnourables faictz et bonnes oeuvres et sages conseils. Et jureront que il donront loyal conseil au Souverains et adviseront a nommer des nouvel compaignons de l'ordre. Et vous avons eslu a estre du nombre de ladite Compaignie, & pensons a faire a [event]. Si soyez audit jour & lieu, se vous povez bonnement, a tout votre habit. Donne le [day] jour de [month]  l'an de la Societe [year].

Translation: [king]  and [queen], King and Queen of Drachenwald, to our friend and faithful subject [recipient] Greetings. In exaltation of the Society and increase of honour, it was ordained to create a Company, which is called the Order of the Laurel. And the companions wear the badge of a gold laurel wreath. And all the companions of this order will be held and will swear at their entrance that they will give a good example of Courtesy and Chivalry. And they will promise to have good and true love to the Sovereigns and to defend and maintain the laws of the kingdom and the statutes of the Society. And they will promise to serve the Sovereigns to their power. And they will promise to enrich the kingdom by honorable deeds and good works and wise counsels. And they will promise that they will give loyal counsel to the Sovereigns and advise them in naming new companions of the order. And we have chosen you to be of the number of said Company, and we intend to do so at [event]. Be there at said day and place, if you are well able, in your habit. Given the [number] day of [month] in the year of the Society [year].

contributed by Lady Aryanhwy merch Catmael, written by Dame Ursula Georges and based on the statues of the Order of the Golden Fleece, a letter informing the recipient that he has been granted entry into the Company of the Star, and the statutes of the Society for Creative Anachronism.

[Source: Kingdom of Drachenwald site]