Drapers Company, 1439

A Toutz nobles qui cestes pntes verront ou ocrount humble recomendacon premise pour moy Guilliam Brugges autrement dit Jarretier Roy Darmes dez Englois le primier diceluy nonn et humble suiture Darmes a tout la gentiless. Il a pleu a nre souain sr le treshault trepuissant et tresexcellent prince le tresxpien Roy Henry le Sysine diceluy nom Roy Denglet & de ffraunce & sr dyreland de sa benigne grace et habundaunce p sez tres patentes ottroier grauntier et accordier a sez humbles et foiaulx lieges lez gentz du mestier dez Drapiers fraunchisez en sa tresnoble tresfamouse & renomee Citee de loundres fraunchise & libertee dauoir corporacion entre eux du dit mestier et en faire vne meister et quatre gardeins pour regiminer gounier et auoir survien sur la dit mestier et dan en an renouelier chaungier et eslier entre eux meister et gardeins pour tout dys entretenir le conduyt de lour dit corporacion les notables du mestier foundees en tresgraunde honeur et vtue onnt fondez entre eux de solempnisier lour dit corporacion vne foitz chun an Cestassavoire le lundi pschein ensuiant la feste de lassompcion de pluis benoit vierge Dame mere et emperisse de tout celestiel et terresteer nre tresglorious Dame sient Marie du quel nasquist le celestiel & Imperial soleile le pluis glorious Roy et sire de tout Justice nre benoit sr Jhu Crist et en lonneure dicelle pluis benoit vierge et de sa tresglorious feste suisdit lez ditz du mestier rasieses dune comune assentment entre eux de chun au dit iour estre ensemble a compaignies de freres & soers du dit fratnitee et en yceluy iour renouelier chaungier eslier et instituer nouelx meistre et gardeins auxi come le cas requerera pour lonneure et valitee du dit mestier lez notables du dit mestier contendans daugmentier tout dys ce que poet estre a lonneure de dit mestier onnt fait faire requeste a moy le suysdit jarretiere Roy Darmes dez Englois de lez vouillier aviser et deuiser enseingne en forme de blason solom le quel Ils pourroient faire priente en vne seal comon tant soullement au dit mestier seruier pour soubz ycel seal passer affermer verefier et signefier tout ceo que a lour dit mestier entre eux du mestier pient doit ou pourroit appteignier et auxi pour envser du dit blason en tout autre cas come honeur le requerra & pient & doit requerer. Je le suit dit Jarretier Roy Darmes veiant le guant honneure que nre dit souain sr le tresxpien Roy leur a fait p son noble ottroye et graunt suisdit et auxi pour complier a honurable home Johan Gedney le primer Meistre eslue au commencement de suisdit corporacion p bon meure delibacon et consentment entiere de sa dit compaignie encorporees au dit mestier des Drapiers et auxi pour complier tant as quatre Gardeins Johan Wotton Johan Derby Robert Bertyn et Thomas Cook que as autres notables de la dit fratnitee et compaignie. Je les ay deuisez enseigne en forme de blason pour demourer au dit notable mestier pour memoire ppetuell Cestassauoir en lonneur de tresgloriouse vierge et meer Marie le quel est en ovembre du soleyll et replendisant en tout claritee et nestete leur ay devisez en lour blason troys Royes de soleille issantz hors de troys nves de flambe coronnez de troys corons imperiale dore assisez sus vne escue dasure et come pient appoire p la demonstraunce du dit blason assise en peinture et en ces drois colores en le merge de ceste psent lre et pour veritablement blasonier le dit armorie Il covient duc Il porte dasure troys soleilles issantz de troys nves de geullez coronnes de troys Imperiale corons dore le quelle dit blason je le dit Jarretier Roy Darmes certifie nul auter pson queconque de lisle de la graund Bretaigne le portre ycelle dit blason le dit mestier de le processer pour ppetuell memoire et le mestier dez Drapiers delusier a lonneur du dit mestier en toutz cas licites conveniens & honourables et come de droit le dit mestier le requerrera Et pour apisaunce a toutz nobles que je le suisdit Roy Darmes ay devise le suisdit blason au dit notable mestier des Drapiers en loundres Jay sealle ceste psent lre de mon seal le disme iour de Mars en lan du grace mil quatre centz trent et neof et en lan dyoeptisme du Reigne nre souain sr le tresxpien Roy suisdit

The History of the Worshipful Company of the Drapers of London Volume 1 by Arthur Henry Johnson (Oxford: Clarendon Press, 1914)

[Source: Fifteenth Century Patents of Arms]